“in die verte skitter
blink die hunkering
by my voete ontwaak
dit wat my hart aanraak”
©Sonja Peacock
In die verte
“in die verte skitter
Category: Afrikaanse verse en Gedigte
Mamma
“Mamma
in my hart hang ‘n prentjieraam
van ons twee saam
met mamma se liefde
wat my oral vergesel
in elke tree
wat ek vorentoe gee”
©Sonja Peacock
Swaar is haar kroon
“Swaar is haar kroon
Maar tog …
tog … dra sy dit soos ‘n veer
met krag in haar hart
en die determinasie in haar oë
die wil om te oorleef wat in haar siel kom woon
is sy
‘n kampioen
‘n vegter
‘n vrou
‘n koningin”
©Sonja Peacock
Pa
“Pa jy bou my nes
met raad en draad
jy los my in die lug
met net geloof as sig
dan sweef ek ‘n arendsvlug
op jou gewig”
©Sonja Peacock
En skielik weet jy
“en skielik weet jy
die grootste werk
wat jy ooit kan doen
is binne die mure
van jouself “
©Sonja Peacock
Dis tyd om weer te glo
“Dis tyd om weer te
glo in die mooi
van jou drome”
©Sonja Peacock
Die afbreek van my mure
“die afbreek van my mure
bepaal die groei van my siel”
©Sonja Peacock
Jy moet plant
“Jy moet plant
sodat jou hart
kan groei”
©Sonja Peacock
Liefde net liefde
ek het haar gevra:
“hoe bly jy so hoog in die lug
in hierdie donker vlug?
hoe dra jy jou olyftak
met soveel swier in
‘n lang gang sonder plesier?”
… en sy het vir my gesê:
“Liefde,
net liefde wat my
so hoog kan oplig!”
©Sonja Peacock
Ons is vir mekaar
“Ons is vir mekaar
splinter stukkies inkyk
op omblaai papiere.
gister se groot onttroon as
strome breek in riviere
en word dan nederig sag
in die ontbloting
van oggend bloeisels
en genade suiwering
wat in oomblikke uitkring”
©Sonja Peacock
