“Hoe vind ek my vlerke?”,
het ek haar gevra.
En sy het haar vlerke
gefladder totdat dit geglinster
het in die son, en toe gesê:
“Jy moet so graag wil vlieg
dat dit jou wil om te bly
moet oorskry.”
©Sonja Peacock
“ek sit jou in my somer neer
sodat as jou storm kom
jy my weer gaan vind …my kind”
©Sonja Peacock
“ek word weer sag
as jou oë my dagbreek
oopmaak met jou onskuld.
Jy maak my hart ‘n tuin”
©Sonja Peacock
In jou hart breek ‘n rivier
jou saffiere oop vir sier
op jou oorwinningskroon
©Sonja Peacock
Die son bring geel ryp gerwe
vir jou van sy land
Bring jou droom
en gee jou kant
©Sonja Peacock
